Hogaamiyaha Maamulka Khaatumo oo Hambalyo u diray Madaxweyne Deni.

Laascaanood:-Hoggaamiye Cabdiqaadir Axmed Aw-Cali wuxuu Hambalyo u dirayaa Mud. Siciid Cabdullaahi Deni oo markale loo doortay inuu noqdo Madaxweynaha Dawladda Puntland.

Hoggaamiyuhu wuxuu ku bogaadinayaa shacabka iyo hay’adaha Dastuuriga ah ee Dawladda Puntland sida habsamida leh ee ay uga shaqeeyeen in Doorashada Puntland ku qabsoonto Jawi nabadeed oo xasiloon.

Hoggaamiyuhu wuxuu illaahay uga baryayaa Madaxweynaha la doortay in illaahay xilka u fududeeyo, lana garabgalo masuuliyadda culus ee markale loo igmaday.

Ugu danbayn, Hoggaamiyaha ayaa xusay in Maamulka iyo shacabka SSC-KHAATUMO ay garabtaaganyihiin Shacabka iyo Dawladda Puntland.

——DHAMMAAD—-

Xafiiska Warfaafinta iyo Xiriirka Dadweynaha

Maamulka SSC-Khaatumo

Email: Info@ssckhaatumo.so