Macalimiinta PHD wata oo ku soo biiray Jaamacada Najaax ee magaalada Burco (Masawiro)

Burco:-Jaamacada islaamiga ah ee Najaax oo ka mid ah jaamacadaha kala duwan ee ku yaala magaalada Burco ee xarunta Gobolka Togdheer gaar ahaan kuliyada Culuumta Shareecada islaamka ayaa waxa ay heshiisyo kala duwan la gashay Macalimiin ka yimid dalalka Yemen iyo Sudan.

Macalimiinta ayaa waxaa ay wax ka soo dhigeen Jaamacado ku yaal India ,Sudan, iyo Yemen waxaana ay ku yimaadeen magaalada Burco ee xarunta gobalka Togdheer ka dib heshiis ay Jaamacada Najaax la soo gashay Jaamacado ku yaal dalka Sudan .

Macalimiinta ayaa waxaa u dhasheen dalalka Yemen iyo Sudan waxaana laba ka mid ah ay waxay ka dhigaan jaamacada Al-Nilayn ee wadanka Suudaan  waxayna macalimiinta wataan PHD .

Gudoomiye ku xigeenka Jaamacadaasi Dr Sh. Xasan Cali Warsame ayaa waxaa uu soo dhaweeyey macalimiinta waxaana kulan soo dhaweyn ah loogu qabtay xarunta jaamacada Najaax magaalada Burco.

no images were found

Jaamacada Najaax ayaa waxay ku talaabsatay horumar weyn waxaana ay soo hoyday guulo la taaban karo.

Halgan.net
Burco