Wararkii ugu danbeeyey xaalada magaalada Laascaanood ee xarunta Gobolka Sool

Laascaanood:-Xaalada magaalada Laascaanood ee xarunta Gobolka Sool ayaa waxaa ka jira saaka deganaasho aan cago badan ku taagnay ka dib dagaal xalay magaalada ku dhexmaray Ciidanka S/land iyo dadka deegaanka ka dib markii askar ka tirsan maamulka Soomaaliland ay si bareer ah u dileen nin dhalinyaro ah.

Ka dib dilka Ninkaan Dhalinyarad ah oo lagu magacaabo Mohamuud Cali Saadle [Geenyo] ayaa waxaa magaalada ka bilowday dagaal hubaysan oo u dhexeeya Ciidanka Soomaaliland iyo dhalinyaro hubaysan oo ka carooday dilka taas oo sababtay markii danbe in Ciidanka Soomaliland laga saaro magaalada Laascaanood.

Dhinaca kale Taliyaha Ciidamada Somaliland Nuux Taani ayaa waxaa ay kusugan yihiin deegaanka Gooja-cadde halka weli magaalada Laascaanood ay ka socdaan Banaanbaxyo lagu diidan yahay maamulka Soomaliland.

Garaad Jaamac Garaad cali oo saaka soo dhexmary magaalada ayaa waxaa uu dadweynaha u sheegay in ay ilaaliyaan nabad gelyada magaalada waxaan mar kale baaq u jeediyey Garaadadad ka soo jeeda Sool Sanaag iyo Cayn in ay shir iskugu yimaadaan magaalada Laascaanood ee xarunta Gobolka Sool.

M_M_Deeq
Halgan.net