Guddoomiyaha degmada Xuddur oo sheegay in ay deegaano ka qabsadeen Al-Shabaab.

Baydhabo:-Wararka naga soo gaaraya gobalka Bakool ayaa sheegay in dagaal u dhexeeya ciidanka DFS iyo kooxda Al-Shabaab ay ka dhaceen shalay deegaano ka tirsan degmada Xuddur ee gobolka Bakool .

Guddoomiyaha degmada Xuddur Maxamed Macallin Axmed ayaa saaka la hadlay warbaahinta ka howlgasha magaalada Muqdisho waxaana uu sheegay in ay Al-Shabaab kala wareegeen deegaannada Garasweyne, Dumaale iyo Faraq.

Ciidamada DFS ayaa lagu soo waramayaa in dad ay ku laayeen deegaanka Garasweyne waxaana ay dilee ilaa 3 qof oo labo ka mid ah ay ahaayeen Ganacsato.

Saraakiisha Ururka Al-Shabaab wili kama ay hadlin guusha uu sheegtay Guddoomiyaha degmada Xuddur Maxamed Macallin Axmed.

Cabdi Yare
Halgan.net