Gudoomiyaha Degmada Xudur oo ka hadlay dagaalo ka dhacay Bakool

Bakool:-Gudoomiyaha Degmada Xudur ayaa sheegay in ciidamada DFS iyo kuwa AMISOM ay la wareegeen deegaano ka tirsan gobalka Bakool ka dib dagaalo culus oo ka dhacay gobalka Bakool kuwaas oo u dhexeeya ciidanka DFS kuwa AMISOM iyo kooxda Al Shabaab.

Maxamed Macalin Axmed Gudoomiyaha Degmada Xudur ee DFS ayaa wuxuu ku faanay in ciidamada huwanta ay la wareegeen deegaanada kala ah Garasweyne iyo Mooro-gaabey, oo ku yaala duleedka Xudur  oo ay ku sugnaayeen Al-Shabaab.

Mar wax laga weydiiyey khaasaraha gaaray labada dhinac ayaa waxaa uu sheegay in ay khasaaro badan u geysteen ciidamada Al-Shabaab waxaana uu ku goodiyey in howlgallada ka dhanka ah Al-Shabaab ay sii socon doonaan ilaa inta laga saarayo deegannada ay kaga sugan yihiin gobolka Bakool.

Ilaa haatan ma jiraan cid ka tirsan Al-Shabaab oo ka hadlay guulahan uu sheeganayo GuddoomiyahaDegmada Xudur ee DFS .

A/Cawale
Halgan.net