Madaxweynaha Puntland oo lagu soo dhaweeyey dalka Kenya

Nairobi:-Madaxwaynaha Dowladda Puntland Mudane C/wali Maxamed Cali Gaas iyo Wafti Balaaran oo uu hogaaminayo ayaa si maqaamsare loogu soo dhaweeyay dalka Kenya. Waftiga uu Hogaaminayo Madaxwayne Gaas waxaa kamid ahaa Wasiirka Ganacsiga iyo Warshadaha Puntland, Wasiir Dowlaha Madaxtooyada iyo Xiriirka Caalamiga,iyo Sarakiil Madaxtooyada Puntland katirsan.

Soo dhaweynta Waftigaasi waxaa ka qayb qaatay Safiirka Soomaaliya u fadhiya Kenya, Wakiilka Puntland u Jooga Dalka Kenya, Wasiiro, Ganacsato, Qaybta protocolka Madaxtooyada Kenya iyo madaxkale oo dalkaasi katirsan.

Madaxwaynaha Dowlada Puntland Mudane Cabdiwali Maxamed Cali Gaas ayaa martiqaad rasmi ah ka helay Dowlada Kenya,waxana uu kulamo la qaadan doona mudada uu halkaasi jooga Masuuliyiinta Dalka Kenya oo uu ugu horeeyo Madaxwaynaha Dalka Kenya Uhuru Kenyatta . Sidoo kale madaxweynaha iyo wafdigiisa ayaa la balansan US, UK, World Bank, UN, iyo Madaxda dhowr safaaradood oo ku yaala Dalkaasi.

-DHAMMAAD-

Xafiiska,Warfaafinta,Wacyigalinta
Hiddaha iyo Dhaqanka
ee Madaxtooyada Puntland

Faafin: Halgan.net