Puntland oo taageertay heshiiskii Muqdisho ee maamul Koonfur galbeed ee 3 Gobol.[Dhagayso]

Garoowe:-Dowladda Puntland ayaa markii ugu horeysay waxaa ay ka hadashay mowqifkeeda ku aadan heshiis ay shalay madaxda dowladda Federaalka Soomaaliya , Madaxda IGAD Kenya , Itoobiya iyo xubno ka tirsan beesha caalamka ay dhex dhigeen siyaasiyiin isku khilaafay inta gobol eeuu ka koobnaanayo maamul Gobolleedka Koonfur galbeed iyagoo ugu kala qaybsanay 3 gobol ilaa 6 gobol balse shalay lagu heshiiyey in uu noqdo 3 Gobol.

Afhayeenka madaxtooyada dowladda Puntland Cabdilaahi Maxamed Jaamac (Quraanjecel) oo waraysi gaar ah siiyey Radio Garoowe ayaa waxaa u sheegay in dowladda Puntland ay soo dhaweynayso heshiiskii shalay lagu gaaray magaalada Muqdisho ayna taageersan yihin maamulka Koonfur galbeed ee 3 gobol ka kooban.

Afhayeenka madaxtooyada dowladda Puntland C/laahi Maxamed Jaamac (Quraanjecel) ayaa yiri “ Madaxda Dowladda Puntland iyo shacabkeedu waa ay soo dhaweynaysaa wayna bogaadinaysaa hanaan Federaalka ee hadda sidda fiican u socda , mana taageerayno khilaaf waxaan bogaadinaynaa in wax walba oo khilaaf ah lagu dhameeyo wada hadal

Hoose ka dhagayso Waraysi Afhayeenka madaxtooyada dowladda Puntland C/laahi Maxamed Jaamac (Quraanjecel) uu siiyey Radio Garoowe

Halkaan ka Dhagayso Mp3

M_M_Deeq
Halgan.net