Sh Umal oo si weyn loogu soo dhaweeyey degmada Carmo ee Gobolka Bari[Masawiro]

Carmo:-Sheekh Maxamed Cabdi Umal ayaa maanta socdaal dacwadeed uga soo baxay magaalada Qardho ee xarunta Gobolka Karkaar aya waxaa uu ku soo hakaday magaalada Waaciye isagoo uga soo gudbay magaalada Carmo ee Gobolka Bari. Wafdiga culimada ah ee uu hogaaminayo Sheekh Maxamed Cabdi Umal ayaa markii uu soo gaaray degmada Carmo waxaa soo dhaweeyey masuuliyiinta maamulka degmada Carmo oo uu horkacayey Gudoomiyaha Degmada Carmo Ibraahim Shire Maxamed Saciid , Cuqaal , Nabadoono, iyo dadweyne aad u fara badan.

Sheekh C/raxmaan Bukhaari oo ka mid ah culimada Puntland ayaa ugu horeyn goobta ka hadlay waxa uuna sheegay in ay aad ugu faraxsan yihiinin Sh Umal iyo wafiga culimada ah ee la socda ay socdaal dacwadeed ku yimaadaan degmada waxaan uu Sh Cabdiraxmaan Bukhaari xusay in ay Sheekh iyo culimada la socota ay soo dhaweynayaan

Guddoomiyaha Degmada Carmo ee Gobolka Bari Eng. Ibraahim Shire oo la hadlay saxaafadda ayaa sheegay in ay aad ugu faraxsan yihiin in ay soo dhaweeyaan wafdiga culimada ah ee uu hogaaminayey Sh Maxamed Cabdi Umal. Dhinaca kale Guddoomiyaha Degmada Carmo Eng. Ibraahim Shire ayaa sidoo kale sheegay in amaanka degmada Carmo uu yahay mid wanaagsan shacabka iyo maamulka oo isku duubana ay ka shaqeeyeen siddii amaanka guud ee degmada Carmo u hagaagi lahaa.

Sh.Maxamed Cabdi Umal iyo culimada ku weheliya socdaalkiisa ayaa waxaa ay caawa u hoyanayaan degmada Carmo waxaa la filayaa in caawa ay kulamo iyo dardaarno kale duwan ay siinayaan shacabka , Cuqaasha , Nabadoonada , Ganacsatada iyo weliba masuuliyiinta degmada Carmo.

no images were found

Source :Masawirada HorseedMedia

M_M_Deeq
Halgan.net