Sheekh Maxamed Cabdi Umal oo nabad ku gaaray magaalada Nairobi.

Nairobi:-Sheekh Maxamed Cabdi Umal ayaa si nabad galyo ah uga ambabaxay garoonka diyaaradaha ee Egal international waxaana Sheekh si weyn u sii sagootoyey culumada iyo ducaada ku dhaqan magaalada Hargeysa ee xarunta S/land

Sheekh Maxamed Cabdi Umal ayaa safar dacwadeed oo dheer waxaa uu ku soo maraya qaybo ka mid ah gayiga soomaalidu dagto gaar ahaan dowlad deegaanka Itoobiya,S/land iyo Puntland waxaana uu halkaas ka jeediyey muxaadarooyin kala duwan kuwaas oo aad looga faa,deystay.

Sheekh Maxamed Cabdi Umal Xafidahulaah ayaa intii aanu ka anba bixin magaalada Hargeysa waxaa uu kulan sagootin ah la qaatay qaar ka mid ah salaadiinta,culimada , ducaada, ku dhaqan magaalada Hargeysa.

Kulankan oo ka dhacay magaalada Hargeysa ayaa ugu horayn waxaa ka hadlay Sheekh Maxamed Cali Jaamac oo aad ugu mahad celiyey sheekha, sidoo kale waxa ka hadlay goobta Suldaan Muxamed Xasan oo isna ku dheeraaday taariikhdii dacwadu soomartay iyo in loo baahanyahay in boodhka laga jafo.

Sheekh Maxamed Cabdi Umal oo soo gunaanaday kulankan ayaa waxa uu ka mahad celiyey soo dhawaynta uu kala kulmay dhamaan culumada waxgaradka iyo dhamaan dadweynaha qeybahiisa kala duwan deegaanadii uu soo maray wuxuuna Sheekha sheegay in uu aad ugu farxay ififaalada kheyrka ah ee dalka ka jira wuxuuna la dardaarmay culumada iyo ducaada isaga oo ugu baaqay in ay u dhabar adeygaan dacwada loona huo naf iyo maalba

Sheekh Maxamed Cabdi Umal ayaa si nabad galyo ah ku gaaray magaalada Nairobi halkaas oo ay ku soo dhaweeyeen culumada iyo ducaad.

Musasat Al-Karam
Halgan.net