Kulan Lagu Daahfurayay kor u qaadida bixinta Shatiyada Ganacsiga Habcasri ah oo lagu Qabtay Qardho.

Qardho:-Kulankan oo ay kasoo qaybgaleen duqa Degmada Qardho Maxamed Siciid Ciise Hogaamo, Xoghaya dowlada hoose Mxamuud Maxamed Shire, Agaasimaha guud ee wasaarada Arimaha gudaha iyo Qorshaynta Maxamed Cali Nuur Juba, Jaamacada Bariga Africa qardho iyo ganacsato waxaana looga hadlayay sidii loo horumarin lahaa barnaamijka bixinta shatiyada canshuuraha dowlada hoose ee magaalada Qardho.

Kulankan ayaa waxaa daahfuray duqa degmada qardho Maxamed Siciid Ciise kana hadlay muhimada kulankan uu u leeyahay ganacsatada iyo dowlada hoose gudoomiyaha ayaa sidoo kale u mahadceliyay jaamacada Bariga Africa Qardho oo soo bandhigtay buug tilmaamaya dakhliga canshuuraha dowlada hoose ee magaalada Qardho halka laga heli karo iyo sida ugu fudud ee magaalada loogu samayn karo fursado ganacsi.

Xoghayaha dowlada hoose Maxamuud Maxamed Shire ayaa dhankiisa sheegay in kulankan uu muhimad gaar ah u leeyahay dhamaan ganacsatada ku dhaqan magaalada Qardho iyo Dowlada Hoose.

Gabagabadii kulanka ayaa waxaa ka hadlay agaasimaha guud ee wasaarada arimaha gudaha iyo Qorshaynta wuxuuna si balaaran uga hadlay muhimada iyo ujeedka kulankan uu u leeyahay ganacsatada gudaha magaalada Qardho si waxqabadka dowlada hoose uu u noqda mid hormarkiisa muuqda.

Kulankan ayaa waxa uu ku soo beegmayaa xili isbedelo dhanka horumarka ah uu ka soconayo gudaha magaalada Qardho sida wadooyinka laamiyada ah iyo horumarka ganacsiga laga samaynayo magaalada qardho kuwaas oo qaybwayn ay ka qaadatay dowlada hooose.

no images were found

Halgan.net