Ra’iisal Wasaare DFS Dr.Cumar C/rashiid Cali Sharma’arke oo dib ugu soo laabtay Muqdisho

Muqdisho:-Ra’isul Wasaaraha DFS Cumar Cabdirashid Cali Sharma’arke iyo wafdi uu hogaminayo ayaa maanta dib ugu soo laabtay Muqdisho  ka dib markii uu socdaal ku soo maray wadamada Itoobiya iyo Qadar.

Ra’isul Wasaaraha DFS iyo wafdigiisa ayaa waxaa si diiran ugu soo dhaweeyey garoonka diyaaradaha ee Aden Cadde xubno ka tirsan labada gole ee DFS iyo saraakiil ka tirsan ciidanka dowlada Federaalka Soomaaliya.

Dr.Cumar Cabdirashiid Cali Sharmaake Ra’isul Wasaaraha DFS ayaa intii uu ku sugnaa dalka Qadar wuxuu xariga ka jaray dhismaha cusub ee Safaarada Soomaaliya wuxuuna sidoo kale uu heshiis la saxiixday madaxda dalka Qadar gaar ahaan dhinaca warbarashada iyo duulista hawada .

A/Cawale
Halgan.net