Raisul wasaaraha DFS Dr.Cumar Cabdirashiid oo gaaray Degmada Dhuusamarreeb

Dhuusamarreeb:-Wafdi uu hoggaaminayo Raisul wasaaraha DFS Dr.Cumar Cabdirashiid Cali Sharmaarke ayaa goor dhow gaaray magaalada Dhuusamarreeb ee xarunta gobolka Galgaduud.

Wafdiga uu hogaaminayo Raisul wasaaraha DFS Dr.Cumar Cabdirashiid Cali Sharmaarke ayaa waxaa si diiran loogu soo dhaweeyey Degmada Dhuusamarreeb ee xarunta gobolka Galgaduud waxaana socdaalkiisa ku weheliya Wasiirka arrimaha gudaha iyo federaalka Cabdiraxmaan Maxamed Xuseen (Odowaa) iyo saraakiil kale oo ka tirsan DFS.

Amaanka Degmada Dhuusamarreeb ee xarunta gobolka Galgaduud ayaa waxaa si weyn u adkeeyey ciidanka nabad ilaalinta midowga Afrika ee AMISOM gaar ahaan kuwa Jabuuti oo gaaray Degmada Dhuusamarreeb.

Wafdi uu hoggaaminayo Raisul wasaaraha DFS Dr.Cumar Cabdirashiid Cali Sharmaarke ayaa markii uu ka soo degay garoonka diyaaradaha Ugaas Nuur ee magaalada Dhuusamarreeb ee xarunta gobolka Galgaduud waxaa gacan qaaday masuuliinta gobalka Galgaduud ,shacab badan oo soo dhaweeyey.

Raisul wasaaraha DFS Dr.Cumar Cabdirashiid Cali Sharmaarke ayaa waxaa la filayaa in uu gaaro Degmada Guriceel halkaas oo kula kulmi doono mdaxada kooxda Suufiyada ee haatan gacanta ku heysa Guriceel,

A/Cawale
Halgan.net