Sh. Maxamuud Sh. Maxamed Shibli oo gaaray dalka Sudan

Sudan:-Sh. Maxamuud Sh. Maxamed Shibli oo ka mid ah culimada Soomaaliyeed ayaa gaaray magaalada Khartuum ee caasimadda Suudaan. Sh. Maxamuud Shibli, oo deggen dalka Kenya, ayaa booqasho ku tagay dalka Suudaan, iyadoo safarkiisa uu ka mid yahay ujeeddo dacwo, waxaana halkaas ku soo dhaweeyey Jaaliyadda Soomaalida oo ay hoggaaminayaan ardayda wax ka barata dalka Suudaan.

Sheekha ayaa inta uu joogo Suudaan waxa uu duruus kala duwan siin doonaa Jaaliyadda Soomaalida, isagoo si gaar ahna ula hadli doona ardayda wax ka barata Jaamacadaha magaalada Khartuum.

Culimada Soomaaliyeed ayaa had iyo jeer waacyi-gelinta iyo wax baraddaa aan kala harin bulshada Soomaaliyeed, iyagoo meel walba ugu taga, una iftiimiya arrimaha diintooda ay uga baahan yihiin.

Halgan.net