Wafdi uu hogaaminayo Wasiirka Arrimaha gudaha ee DFS oo tegay Kismaayo

Kismaayo:-Wafdi uu hogaaminayo Wasiirka Arrimaha gudaha ee Dowladda Federaalka Soomaaliya C/raxmaan Odowaa ayaa saaka soo gaadhay magaalada Kismaayo ee xarunta Gobolka Jubada Hoose.  Wasiirka Arrimaha gudaha ee Dowladda Federaalka Soomaaliya C/raxmaan Odowaa ayaa waxaa socdaalkiisa ku weheliya Wasiirka warfaafinta ee DFS waxaa uu saaka si rasmi ah u furi doonaa shirkii lagu soo xuli lahaa xubnihii ka mid noqon lahaa Xildhibaanada golaha Baarlamaanka ee maamulka Jubbaland.

Wafdiga Wasiirka Arrimaha gudaha ee Dowladda Federaalka Soomaaliya C/raxmaan Odowaa ayaa waxaa garoonka diyaaradaha ee Kismaayo ku soo dhaweeyey masuuliyiin kale duwan oo ka tirsan maamulka Jubbaland.

Wasiir kuxigeenka Wasaarada Warfaafinta Maamulka Jubbaland oo la hadlay saxaafadda ayaa sheegay in Wafdiga Wasiirka Arrimaha gudaha la soo dhaweeyey uuna magaalada Kismaayo ku joogi doono hal maalin oo shaqo ah isagoo kulamo la qaadan doona madax maamulka Jubbaland.

A/cawaale
Halgan.net