Wararkii ugu danbeeyey weerarkii lagu qaaday Hotelka Maka A-lMukarama

Muqdisho:-Faah faahin kala duwan ayaa ka soo baxay weerarkii gelinkii danbe ee maanta lagu qaaday Hotelka Maka Al-mukarama ee magaalada Muqdisho waxaana weerar loo adeegsaday gaari laga soo buuxiyey walxaha qarxa.

Hotelka Maka Al-Mukarama ee magaalada Muqdisho ayaa waxaa halkaasi deganaa Mas’uuliyiin ka tirsan DFS iyo xildhibaano ka tirsan baarlamaanka dowlada federaalka Soomaaliya.

Weerarka ayaa ku bilowday gaari ay saaran yihiin walxaha qarxa oo lagu dhiftay Albaabka hore ee Hotelka Maka A-lMukarama waxaana xigay rasaas iyada oo la sheegayo in kooxda weerarka ku qaaday  ay qaarkood gudaha u galeen Hotelka.

Warar hordhac ah ayaa sheegaya in weerarka ay ku dhinteen askar ka tirsan DFS kuwaas oo ilaalo ka hayey masuuliin ka tirsan DFS oo ku sugnaa Horelka Maka A-lMukarama .

Afhayeenka howlgalada Al-Shabaab C/acsiis Abu Muscab ayaa sheegay in ay iyagu ka danbeeyeen weerarka lagu qaaday Maka A-lMukarama ayna khasaaro kala duwan u geysteen ciidanka DFS iyo Saraakiil ku sugnayd Hotelka  gadaalna ay ka faahfaahin doonaan.

A/Cawale
Halgan.net