Wasiirka Arrimaha Gudaha ee DFS oo furay shir lagu soo xulayo Xildhibaanada baarlamaanka Jubbaland.

Kismaayo:-Wasiirka Arrimaha Gudaha DFS  Maxamed Xuseen (Odowaa) iyo wafdigii uu horkacayo ayaa maanta gaaray magaalada Kismaayo ee xarunta J/hoose waxaana uu ka qeyb galay  shirka soo xulista Xildhibaanada baarlamaanka jubbaland.

Munaasabada si weyn loo soo agaasimay ayaa waxay ka socotaa Ex-caymiska  oo haatan ah si ku meel gaar ah aqalka baarlamaanka jubbaland waxaana goobta ay ka dhacayso shirka soo xulista xubna xildhibaanada jubbaland ku sugan Madaxweynaha dowlda gobaleedka  jubbaland  Axmed Maxamed Islaam (Axmed Madoobe).

Shirka soo xulista xildhibaanada Jubbaland ayaa waxaa ka qeybgalaya madax ka tirsan DFS oo uu hogaaminayo Wasiirka Arrimaha Gudaha DFS   Maxamed Xuseen (Odowaa) salaadiin ,isimo,Ugaasyo iyo bulshada rayidka ah .

Madaxweynaha   jubbaland  Axmed Maxamed Islaam (Axmed Madoobe) ayaa sheegay in mudo dhow ay soo dhamaan doonto soo xulista xubnaha baarlamaanka   jubbaland  .

Wasiirka Arrimaha Gudaha ee DFS Maxamed Xuseen (Odowaa)ayaa  khudbad kooban ka jeediyey shirka soo xulista xubnaha baarlamaanka Jubaland wuxuuna u mahad celiyey madaxda Jubaland isaga oo sheegay in uu furan yahay shirka dhamaystirka baarlamaanka jubbaland .

Soo xulista xubnaha baarlamaanka Jubaland ayaa maraya heer gabogabo ah waxaana la filayaa in uu soo dhameystirmo bilaha soo socda.

Cabdi Yare
Kismaayo