Xukuumadda DFS oo soo dhoweyneysaa dadaalada Dowladda Isutagga Imaaraatka Carabta.[Masawiro]

Mogadishu:-Xukuumadda Jamhuuriyadda Federaalka Soomaaliya waxaa ay soo dhoweyneysaa dadaalada Dowladda Isutagga Imaaraat ka Carabta ee ku aadan Soomaaliya iyo kaalinteeda wax ku oolka ah ee yareynta dhibaatada bani’aadanimo ee shacabka Soomaaliyeed.

Waxaanu xushmeyneynaa kaalinteeda bani’aadanimo ee lagu daweynayo dhaawacyadii weerar kii argagaxiso ee lagu beegsaday Central Hotel , Maalintii Jimcaha , kuna beeg need February 20,2015,iyadoo dowladda Imaaraatka ay soo dirtay diyaarad lagu daad gureeyay dhaawacyada 13 ruux , si loogu fidiyo adeegga caafimaad ee ay u baahan yihiin.

Waxaanu hambalyo iyo bogaadin u jeedineynaa Madaxweynaha Dowladda Isutagga Imaaraatka Carabta Sh.Khalifa Bin Zayed Al Nahyan,Dhaxalsugaha Abudhabi ahna Ku xigeenka Taliyaha sare ee Ciidamada Sh.Mohamed bin Zayed Al Nahyan, Madax weyne kuxigeenka , Ra’iisul wasaaraha ahna Xaakimka Dubai Sh.Mohammed bin Rashid Al-Maktoum , iyo shacabka Walaalaha aan nahay ee Imaaraat-ka , waxaanu u rajeyneynaa Ammaan, deganaansho iyo horumar.

no images were found

Dhammaad
Qeybta Warbaahinta iyo Xiriirka Bulshada
Section of Press and Public Relations ( PPR)