Shirkii Wadatashiga Madaxda Soomaalida ee ka furmay Muqdisho oo fashil ku dhamaaday.[Dhagayso]

Muqdisho:-Wasiirka Deegaanka dowladda Puntland Dr.Cali C/laahi Warsame oo ka mid ahaa xubnaha uga qayb galay dowladda Puntland shirka wadatashiga qaran ee galabta ka furmay magaalada Muqdisho ayaa waxaa uu Radio Gaalkacyo u sheegay in kulan ay iskugu yimaadeen madaxda Soomaalida iyo beesha caalamka uu fashil ku yimid ka dib markii Khudbad uu madaxweynaha dowladda Fedeaalka Soomaaliya Xassan Sh. Maxamuud ka jeediyey shirka uu sheegay aragtidiisa ku aadan qaabka loo soo xulayo xubnaha baarlamaan ka ee DFS 2016 uuna ka dhigay in qaabkaas madaxdu ay ku soo hishiisay arrinkaas oo keenay in wax natiijo ah aysan ka soo bixin shirkii galabta ka dhacay Muqdisho.

Wasiirka Deegaanka dowladda Puntland Dr.Cali Cabdulaahi Warsame ayaa sheegay in madaxweynayaasha Puntland , Jubaland iyo gudoomiye ku xigeenka Baarlamaanka Federaalka Soomaaliya ay sheegeen in wax aragti ah oo loo dhan yahay oo lagu hishiiyey shirkii Kismaayo aysan jirin.

Hoos ka Dhagayso waraysigii uu Radio Daljir siiyey Wasiirka Deegaanka dowladda Puntland Dr.Cali Cabdulaahi Warsame

M_M_Deeq
Halgan.net