Madaxweynaha Dowladda Puntland Dr.Gaas oo laga sugayo magaalada Garoowe.

Garoowe:-Madaxweynaha dowladda Puntland Dr Cabdiweli Maxamed Cali Gaas iyo wafti uu hogaaminayo ayaa saaka ku soo wajahan magaalada Garoowe ka dib mudo dhan 2 usbuuc oo ay ku sugnaayeen magaalada Muqdisho oo uu ka socday shirka madasha wada tashiga.

Wafdiga Madaxweyne Dr.Gaas ayaa warar soo baxay shalay waxaa ay sheegayeen in uu ka baaqday safar uu shalay ku tegi lahaa magaalada Jowhar ee xarunta gobolka Sh/dhexe ka dib markii u soo gabagaboobay shirkii wadatashiga ee hogaamiyaasha Maamulada iyo dowladda Federaalka Soomaaliya.

Qabanqaabada lagu soo dhaweynayo Madaxweynaha dowladda Puntland Dr C/weli Maxamed Cali Gaas iyo wafti uu hogaaminayo ayaa waxaa ay ka socotaa magaalada Garoowe waxaan la filayaa in uu saxaafadda uu uga waramo go’aamadii ka soo baxay shirkii Madasha wadatashiga iyo shirkii Madaxda IGAD ee lagu qabtay magaalada Muqdisho.

M_M_Deeq
Halga.net