Rabshado Khasaaro geystay oo maanta ka dhacay magaalada Laascaanood

laascaanood:-Wararka ka imaanaya magaalada Laascaanood ee xarunta Gobolka Sool ayaa sheegaya in rabshado ka dhaceen gudaha magaalada Laascaanood ka dib markii nin shacab ah ay dileen ciidanka amaanka.

Magaalada Laascaanood ayaa waxaa la sheegayaa in rabshadaha ka dhacay gudaha magaalada ay ku dhinteen labo ruux oo uu mid askari yahay mid shacab.

Dadweyne careysan ayaa ka gadooday dilka qofka shacabka ah oo lagu eedeeyey in ay dileen ciidanka waxayna dadweynaha careysan gubeen gudaha  saldhiga booliska magaalada Laascaanood iyo gawaari hor taalay .

Magaalada Laascaanood ee xarunta gobalka Sool ayaa waxaa ka dhacay dilal kala duwan oo lagu beegsanayey haldoorka magaalada taas oo ay ka hadleen culumda iyo waxgaradka gobalka Sool.

Ciidanka Amaanka ee magaalada Laascaanood ee xarunta gobalka Sool ayaa isku dayaya in ay xaalada dajiyaan waxaana laga maqlayaa gudaha magaalada rasaas goos goos ah oo dhacaysa,

A/Cawale
Halgan.net