Ra’iisul Wasaaraha Xukumadda Federaalka Soomaaliya Dr.Cumar C/rashiid oo laga sugayo Qardho

Qardho:-Ra’iisul Wasaaraha Xukumadda Federaalka Soomaaliya Dr.Cumar C/rashiid Cali Sharmaake oo maalinti shalay gaaray Magaalada Garoowe ee Caasimadda Puntland ayaa saaka la filayaa in safar ku gaaro magaalada Dhaqan ee Qardho ee xaruta Gobolka Karkaar. Wafdiga Ra’iisul Wasaaraha Xukumadda Federaalka Soomaaliya Dr.Cumar C/rashiid Cali Sharmaake ayaa safarkiisa waxaa uu ku soo mari doono deegaano ay ka mid tahay degmada Dangroyo ee Gobolka Nugaal isagoo uga siii gudbi doono magaalada Qardho.

Ra’iisul Wasaaraha Xukumadda Federaalka Soomaaliya Dr.Cumar C/rashiid Cali Sharmaake  ayaa waxaa uu  marka uu gaaro magaalada Qardho uu kulan la yeelan doona Boqor Burhaan Boqor Muuse iyo Issimo kale sagoo kala hadli doono soo xulista xubnaha ka mid noqon doona Xildhibaanada Aqal hoose iyo kan sare.

Ra’iisul Wasaaraha Xukumadda Federaalka Soomaaliya Dr.Cumar C/rashiid Cali Sharmaake  ayaa waxa uu ka bilaabay deegaanada Puntland Ololihiisa doorashada isagoo ka mid ah musharaxiinta u taagan xilka Madaxweynanimada dowladda Federaalka Soomaaliya oo la filayo bisha Octobar in ay ka dhacdo gudaha Soomaaliya.

M_M_Deeq
Halgan.net