Sheekh C/naasir Xaji oo si adag uga hadlay dadkii Soomaaliyeed oo laga raafay Laascaanood.[Video]

Laascaanood:-Sh Cabdinaasir Xaaji Axmed oo ka mid ah culimada waa weyn ee dalka Soomaaliya kuna Nool Gobolka Sool gaar ahaan magaalada Laascaanood ayaa waxaa uu si adag uga hadlay dad soomaaliyeed oo si fool xun looga raafay magalada Laascaanood ee xarunta Gobolka Sool, Sh Cabdinaasir Xaaji Axmed ayaa sg=heegay in dadkaas Soomaaliyeed xumaad lagula kacay aan wax talo ah laga gelin Culimada , Cuqaasha iyo Issimada ku nool Laascaanood oo xumaantaas ay gaar ku tahay maamulka Gobolka

Sh Cabdinaasir Xaaji Axmed ayaa cadeeyey in aysan marna aysan banaanayn in dad Soomaali ah oo jooga magaalo ka mid ah dalka Soomaaliya xoog lagu raafo dadkaas oo ay ku jiraan caruur iyo haween iyo qoysas mudo ka badan 30 sano ku noolaa magaalda Laascaaood ee xarunta Gobolka Sool kana hirgeliyey ganacsiyo kale duwan.

Dhinac kale Sh Cabdinaasir Xaaji Axmed ayaa maalmo ka hor ka hadlay dilala qorshaysan ee lagu laayey haldoorkii magaalada iyo dadkii wax galka u ahaa umada.

Sh Cabdinaasir Xaaji Axmed iyo culiamada kale ee magaalada Laascoonood ayaa wax badan ka haday dilalka lagu laayey haldoorkii magaalada dilalkaas oo aan ahayn kuwa ay reeraha qabiilada isku aafaysan ay geystaan balse dilalkaas ay fuliyaan koox aan ilaa hadda sheegan sababta ay u leynayaan dad aan waxba galabsan.

Sh Cabdinaasir Xaaji Axmed ayaa ugu baaqay bulshada waxgaradkeda culimadeeda in ay u istaagan siddii wax looga qaban lahaa dadka laynaya haldoorkii magaalada Laascaanood isagoo sheekhu xusay in dilalkaas ay bilaabdeen markii Maamulka S/land uu la wareegay gacan ku haynta magaalada waxaan Sheekhu ugu baaqay maamulka magaalada in ay wax ka qabtaan dilalka ka socda magaalada.

Dilalka Qorsahayn ee lagu laayey dad fara badan oo iskugu jira Culimo, Cuqaal Ganacsato,Nabadoodno Saraakiil Ciidan ayaa waxaa uu ka dhacaa inta u dhexeysa magaalada Gaalkacyo ilaa magaalada Laascaanood ee xarunta Gobolka Sool.

A/cawaale
Halgan.net