Baydhabo Janaay oo si weyn looga ciiday iyo Madaxweyne Shariif Xasan ka qeyb galay (Masawiro).

Baydhabo:-Magaalada Baydhabo ee xarunta gobalka Bay ayaa maanta si weyn looga ciiday waxaana munaasabada ciida Adxaa ka soo qeyb galay Madaxweynaha Maamulka Koofur Galbeed Shariif Xasan Sheekh Aadan iyo masuuliin kale oo ka tirsan Maamulka K/ Galbeed.

Munaasabadda ciida Adxaa ayaa waxaa ay ka dhacday Garoonka kuba cagta ee Ayuub waxaana si weyn u soo camiray dadweynaha ku dhaqan magaalada Baydhabo .

Madaxweynaha Koofur Galbeed Shariif Xasan oo la hadlay dadweynaha ayaa hambalyo u diray umada Muslimiinta oo dhan iyo gaar ahaan shacabka Soomaaliyeed isagoo ugu baaqay in ay is cafiyaan isuna tanaasulaan.

Madaxweynaha K/Galbeed ayaa ugu baaqay Shacabka Soomaaliyeed, gaar ahaan kuwa ku nool deegaanada Koofur Galbeed, in ay taageeraan howlgalada ka ka socda deegaanada K/galbeed iyo amaanka.

Ciidanka amaanka ee Maamulka Koofur Galbeed ayaa si weyn u sugayey amaanka waxaana shacabka Baydhabo ka muuqday farxad iyo reynreyn.

C/Casiis Maxamed
Halgan.net