Madaxweynaha Puntland oo dib ugu soo laabtay magaalada Garoowe (Dhageyso)

Garoowe:-Madaxwaynaha dowladda Puntland Dr.Cabdiwali Maxamed Cali (Gaas) ayaa maanta dib ugu soo laabatay magaalada Garoowe ee xarunta Puntland waxaana uu ka warbixiyey socdaalkii uu ku tagay gobalada Bari ,Nugaal iyo Karkaar

Madaxweynaha Puntland ayaa mudo 9 bari ah waxaa uu socdaal shaqo ku tagay Boosaaso,Carmo,Qaw,Qardho ,Galgala iyo deegaano ka tirsan gobalka Nugaal.Dr.Cabdiwali Maxamed Cali (Gaas) Madaxweynaha Puntland ayaa sheegay in dhamaan deegaanada uu soo maray ay ahaayeen kuwa nabdoon dadkana ay u baahan yihiin waxqabad la taaban karo iyo isbadal.

Madaxweyne Gaas ayaa yiri ”Waxan u sheegayaa reer Puntland dhulka aa soo maray inuu yahay nabada dadkuna ay dowladdu taageersan yihiin ayna rabaan isbadal iyo hormar la taaban kara in la gaaro”

Madaxweynaha Puntland Cabdiweli Gaas ayaa waxaa uu sheegay in socdaalka uu tagayo deegaano kala duwan oo ka tirsan Puntland ay sii socon doonto waxaana la filayaa maalmaha soo socda in uu tago magaalada Gaalkacyo ee xarunta gobalka Mudug.

Hoos Ka Dhageyso Madaxweynaha Puntland oo ka warbixinaya Socdaalkii uu ku tagay gobalada Bari,Nugaal iyo Karkaar.

M_M Deeq
Halgan.net