Faahfaahin Qarax ka dhacay Waqooyiga magaalada Gaalkacyo

Gaalkacyo:-Wararka ka imaanaya magaalada Gaalkacyo ee Gobolka Mudug ayaa sheegaya in Bamgacmeed lagu Weeraray Gaari ay wateen ciidanka Booliska ee magaalada Gaalkacyo kuwaas oo marayey xaafada Garsoor ee Waqooyiga magaalada Gaalkcayo.

Ciidamada la Weeraray Bam Gacmeedka ayaa waxaa ka dhaawacmay hal askari  waxaana la geeyey Isbitaalka magaalada Gaalkacyo.

Goobjoogeyaal ka agdhawaa halka uu qaraxu ka dhacay ayaa sheegay in ciidanka amaanka ee magaalada Gaalkacyo ay howlgalo ku soo qabteen dhowr qof oo looga shakisan yahay in ay Bam gacmedka tuureen.

Ilaa hada ma jiraa wax war ah oo ka soo baxay Maamulka magaalada Gaalkacyo ee Puntland .

M_M Deeq
Halgan.net