AMISOM oo sheegtay in ay Duqeyn ku dishay dagaalyahano Al-Shabaab ah.

Muqdisho:-Saraakiisha Midowga Afrika ee AMISOM ayaa maanta sheegtay in ay duqeyn ku dishay in 80 askari oo ka tirsan  Al-Shabaab ka dib markii ay duqeyn dhanka cirka ah ay la beegsadeen xarumo ay Al-Shabaab ku leeyihiin deegaannada Kudha iyo Caanoole ee gobolka Jubbada Hoose. Warmurtiyeed ka soo baxay AMISOM ayey ku sheegteen in duqeymaha lala beegsaday saldhigyo ay leeyihiin Al-Shabaab deegaanka Caanoole iyo degmada Kudhaa  waxaana duqeynta qeystay  diyaaradaha dalka Kenya.

Wakiilka gaarka ah ee Midowga Afrika u qaabilsan Soomaaliya danjire Mahamat Saleh Annadif ayaa sheegay in weerarka ay ku qaadeen Al-Shabaab uu sidii loogu talagalay u dhacay ayna bilaawdeen qeybtii labaad ee howlagalada ka dhanka ah Al-Shabaab. Duqeynta ay geysteen diyaaradaha dalka Kenya ayaa waxaa uu ku soo aaday xili ay AlShabaab weeraro kala duwan ka geystay gudaha dalka Kenya waxaana u danbeeyey weerarkii ka dhacay deegaanka Mpeketoni Halkan ka Akhriso warmurtiyeedka AMISOM.

Ilaa haatan ma jiraan masuuliyiin  ka tirsan Al-Shabaab oo ka hadlay warkan ay soo saareen ciidanka AMISOM.

A/Cawale
Halgan.net