Danjire Yuusuf Bari Bari oo ku geeriyooday weerarkii Hotel Maka Al- Mukarama

Muqdisho:-Wararka ka imaanaya magaalada Muqdisho ayaa sheegaya in Isbitaal Madina uu ku geeriyoday Yusuf Maxamed Ismacil Bari Bari oo ahaa Danjiraha Somaaliya ee Switzerland. ka dib markii uu dhaawac ka soo gaaray weerarkii lagu qaaday Hotel Maka Al- Mukarama .

Yusuf Bari Bari ayaa ku sugnaaHotel Maka Al- Mukarama xiligii uu ay xubno ka tirsan Al-Shabaab ay weerar ku qaadeen Hotel Maka Al- Mukarama waxaana ka soo baxaya warar kala duwan qaabka uu u dhacay weerarka .

Isbitaal Madina ee magaalada Muqdisho ayaa la geeyey in ka badan 20 qof oo dhaawac ah waxaana jira tiro kale oo ku dhintay weerarka waloow aan DFS si rasmi ah u shaacin .

Danjire Yusuf Maxamed Ismacil Bari Bari ayaa soo noqday Safiirki Soomaliya ee Midowga Yurub wuxuuna masuuliyado kala duwan ka soo qabtay dowladihii soo maray dalka iyo Puntland.

M_M Deeq
Halgan.net