Gudoomiyaha gobolka Kar-kaar Cabdulqaadir Ciise Carshe oo xilka la wareegay

Qardho:-Gudoomiyaha gobolka Kar-kaar Cabdulqaadir Ciise Carshe ayaa maanta waxaa uu si rasmi ah u xilka ula wareegay ka dib munaasabad balaaran oo ka dhacday Degmada Qardho ee xarunta gobalka Karkaar .

Munaasabada ayaa waxaa goobjoog ka ahaa madax ka socotda dowlada Puntland maamulkii hore, odoyaasha dhaqanka,Nabadoono  iyo bulshada qaybahooda kala duwan.

Gudoomiyihii hore ee gobolka Karkaar Cabdiquraan Maxamed Aadan ayaa soo dhaweyay maamulka cusub wuxuuna ugu baaqay in ay sii wadaan horumarka la taaban karo oo ay ku talaabsatay Degmada Qardho ee xarunta gobalka Karkaar .

Gudoomiyaha cusub Cabdulqaadir Ciise Carshe”Dhaqaaje” ayaa sheegay inuu sameyn doono waxqabad kana soo bixi doono shaqada loo igmaday isaga oo ka codsaday odayaasha iyo waxgaradka Qardho in ay garab siiyaan.

M_M Deeq
Halgan.net