Madaxweynaha Puntland oo si diiran loogu soo dhaweeyey Kismaayo (Masawiro)

Madaxweynaha Dawladda Puntland Dr.Cabdiweli Maxamed Cali Gaas iyo Wafti ballaan uu hoggaaminayo ayaa maanta 10-Jan-16 siweyn loogu soo dhoweeyey Magaalada Kismaayo ee Xarunta kumeel-gaarka ah ee Dawlad Goboleedka Jubba-land.

Madaxweynaha iyo Waftigiisa ayaa waxaa garoonka diyaaradaha ee magaalada Kismaayo ku soo dhoweeyey Madaxweynaha Dawlad goboleedka Jubba-land, Madaxweyne ku-xigeenka xubnaha labada gole ee Wasiirada iyo xildhibaanada iyo dadweyne kale oo aad u tira badan.

Madaxweynaha Dawladda Puntland Dr.Cabdiweli Maxamed Cali Gaas iyo Madaxweynaha Dawladda Jubba-land ayaa shir jaraa’id ku qabtay garoonka diyaarada ee Magaalada Kismaayo  uga mahadceliyey madaxweynaha Jubba-land iyo shacabkiisa sida wanaagsan ee ay ugu soo dhoweeyeen magaalada kismaayo.

Madaxweynaha Dawladda Puntland ayaa sidoo kale  sheegay in ujeedka socdaal kiisu  uu la xiriiro shirkii loo balan sanaa ee Wadatashiga Hannaanka Doorashada 2016ka, Waxa uuna Madaxweynuhu rajo wanaagsan ka muujiyay qodobo danta Soomaaliyeed ku jirto in ay ka soo bixi doonaan shirka beri furmi doona.

no images were found

Wafdiga uu Hoggaaminayo Madaxweynaha ayaa la filayaa inta ay joogaan magaalada Kismaayo in ay kulamo kala duwan la yeelan doonaan hoggaamiyeyaasha Soomaalida ee ka qeyb galaya shirka.

—DHAMMAAD—

XAFIISKA WARFAAFINTA WACYIGELINTA, HIDDAHA IYO DHAQANKA EE MADAXTOOYADA PUNTLAND