Dagaal ka dhacay duleedka degmada Gabahaarey

Garbahaarey:-Waxaa maanta uu dagaal iyo iska horimaad hubeysan uu ku dhexmaray duleedka degmada Garbahaarey ciidamo ka tirsan ururka Al-shabaab iyo ciidamo daacad u ah DFKM, dagaalka ayaa waxaa uu ka dhacay degaanka lagu magacaabo Reys-qoray oo 12-km u jirta degmada Gabahaarey.

Dagaalka ayaa qarxay ka dib markii ciidamo ka tirsan ururka Al-shabaab ay dagaal ku qaadeen fariisamo ay ciidanka DFKM ku lahaayeen degaanka Reys-qoray,  Dad shacab ah oo ku nool  Degmada Garbahaarey ayaa saxaafad u xaquiiyey in uu jiro dagaalku.

 Dagaalka saaka ayaa waxaa  ku dhintay ilaa 12 dhalinyaro ah oo ka wada tirsan dhinacyadii dagaalka uu u dhexeeyey , dagaalka ayaa 2 dhinac ay isku adeegsadeen hubka fudud iyo kan culus.  Xildhibaan Maxamuud Sayid Aadan oo ka mid ah saraakiisha Ciidanka DFKM oo la hadlay saxaafada ayaa sheegay in fariisamahooda ay soo weerareen ciidamo ka tirsan ururka Al-shabaab ayna iska difaaceen isagoo ku dooday in goobtii dagaalku ka dhacay ay weli joogaan ciidankooda.

Saraal u hadlay ciidanka Al-shabaab ayaa xaqiiyey in uu dagaalku dhacay isagoo sheegay in ciidankooda ay hadafkii ay lahaayeen ay ka gaareen dagaalka , Sarkaalkaan ayaa sheegay in khasaaraha ka dhashay dagaalka ay dhawaan siin doonaa saxaafada ka howl gashay magaalada Muqdisho iyo degaanada ku dhow dhow.

A/cawaale
Halgan.net