Diyaarado duqeeyey duleedka Kismaayo.

Kismaayo,sep 17 Diyaaradaha aan laheyn duuliyaasha ee Mareykan ka ayaa shalay waxa ay duqeyn ka geysteen deegaan ku dhow magaalada Kismaayo xarunta gobol ka J/hoose. Wargeyska the Nation ee  ka soo baxa Mareykanka ayaa waxa uu sarkaal ururka al-shabaab ka tirsan ka soo xig tay in duqeyntu ay jirto oo ay ku dhinteen 12 qof oo rayid ah oo haween iyo caruur u badan, waa sida wargeysku qoraye.

Wararka laga helayo magaalada Kismaayo ayaa waxa ay sheegayaan in dad dhaawac ah la keenay xarumaha caafimaadka, waxaana jirta in wararka qaarkood ay tibaaxa yaan in saraakiil ka tirsan Shabaabul Mujaahidiin ay dhimasho iyo dhaawacba ka soo gaareen duqeyntaasi.

Faah-faahin buuxda lagama hayo khasaaraha ka dhashay duqeynta diyaaradaha, iyadoo dowladda Mareykankana ayan ka warbixinin, sidoo kale masuuliyiinta ururka Al-Shabaabul Mujaahidiin war rasmi ah kama soo saarin arintaan.

Ma ahan markii ugu horeysay oo diyaarado ay duqeeyaan deegaanka, iyadoo horey sidan oo kale duqeymo ceynkan oo kale ah ay ka dhaceen halkaas, waxaana jirta in Mareykanku uu horey u sheegay inuu ugaarsan doono xubnaha Al-Shabaab.

Source Somalireal.com
Nairobi,Kenya