Madaxweynaha dalka Yemen Cali Cabdalla Saalax oo ku soo laabtay Sanca .

Yemen:-Madaxweynaha Yemen Cali Cabdalla Saalax ayaa saaka si lama filaan ah dib ugu soo laabay magaalada Sanca ee xarunta dalka Yemen ka dib markii uu howlo caafimaad u joogay dalka sacuudi carabiya .

TVdalka Yemen ayaa xaqiijiyey in madaxweyne Cali Cabdalla Saalax uu dib ugu soo laabatay dalkiisa waxaana magaalada laga maqlayaa rasaas iyo fantasiyo ay ridayaan taageerayaasha Madaxweynaha Yemen Cali Cabdalla Saalax.

Kooxaha kacdoonka ka wada dalka Yemen ayaa iyagana balan ku qaaday in ay wadi doonaan kacdoonka ay kala soo horjeedaan Madaxweyne Saalax.

Ciidamada dowlada Yemen ee ka amar qaata wiil uu dhalay Cali Cabdalla Saalax ayaa xasuuq ka geystay magaalada Tacis iyo Sanca 3 maalmood ee la soo dhaafay.

C/Casiis Maxamed
Halgan.net