Ciidamada AMISOM iyo kuwa DFKM oo qarax xoggan lagula eegtay Degmada Afgooye

Afgooye:-Wararka naga soo gaaraya Degmnada Afgooye ayaa sheegay in gaari laga soo buuxshay walxaha qarxa lala eegtay xarun ay ciidamada AMISOM iyo kuwa DFKM ay ku leeyihiin Degmada Afgooye halka warar kalena ay sheegayaan in qaraxa uu ka dambeyay qof isku soo xiray walxaha qaraxa waxaana warar hordhac ay sheegayaan in uu jiro khasaaro gaaray ciidamada AMISOM iyo kuwa DFKM.

Qaraxa ayaa waxaa si weyn looga maqlay Saldhiga ku dhow Dugsiga Tadaamun halkaas oo ay degan yihiin ciidamada AMISOM iyo kuwa DFKM waxaana wararkii ugu danbeeyey ee soo gaara Halgan.net ay sheegayaan in burbur xoogan iyo khasaaro leh dhimasho iyo dhaawac uu gaaray ciidamada AMISOM iyo kuwa DFKM.

Goobta uu qaraxa ka dhacay ayaa waxaa soo gaaray ciidamada AMISOM iyo kuwa DFKM waxaana ay cirka u rideen rasaas badan waxaana ay xireen dhamaan wadooyinka soo gala Dugsiga Tadaamun.

Wixii warar ah ee soo kordha kala soco Halgan.net .

A/Cawale
Halgan.net