Ciidamada AMISOM oo xalay qarax lagula beegsaday agagaarka SOS,ee magaalada Muqdisho.

Muqdisho:-Ciidamada AMISOM ayaa waxaa xalay qarax lagula beegsaday agagaarka SOS, ee magaalada Muqdisho. Ciidamada AMISOM ee qaraxa lala beegsaday ayaa ku socday Kolonyo, waxayna ku sii jeedeen saldhig ay ku leeyihiin xerada Maslax ee duleedka waqooyi kaga taala magaalada Muqdisho.

Qaraxa ayaa waxaa loo adeegsaday Miinooyinka dhulka lagu aaso, kuwaasoo meelaha fog-fog laga hago, iyadoona meelo badan oo ka mid ah magaalada laga maqlayey qaraxa.

Mid ka mid ah gaadiidkii ciidanka AMISOM, ayuu haleelay qaraxa, iyadoona gaariga uu gubtay, balse lama garanayo inta uu le’eg yahay khasaaraha ciidanka AMISOM ka soo gaaray.

Dagaalyahannada Al-Shabaab, ayaa qaraxyada si weyn u adeegsada, waxaana uu qaraxani ku soo beegmayaa xili dhawaan degmada Balcad ay la wareegeen ciidamada dowladda iyo kuwa AMISOM .

A/Cawale
Halgan.net