Ciidamada DFKM oo sheegay in ay qabteen gaari laga soo buuxshay walxaha qarxa

Hoosingow:-Ciidamada DFKM iyo kuwa Kenya  ee ku sugan deegaanka Hoosingow ee gobolka Jubbada Hoose ayaa sheegay in ay gacanta ku dhigeen gaari laga soo buuxshay walxaha qarxa iyo dhamaan ragii watay waxaana ay sheegeen in ay u gudbin doonaan magaalada  Dhoobley si baaritaan loogu sameeyo .

Sarkaal u hadlay ciidanka DFKM oo la yiraahdo Hanad Faarax ayaa sheegay in ay qabteen gaari laga buuxshay walxaha qarxa iyo toddobo qof oo la socotay.

Ilaa iyo hadda saraakiisha ciidanka DFKM ayaan wax faahfaahin ah ka bixin meesha uu ka yimid gaari ay qabteen iyo halka uu ku socday mana jiraan masuul ka tirsan Ururka Al-Shabaab oo ka hadlay arinkaas.

Cabdi Yare
Kismaayo