Faahfaahin Dagaal culus oo dhacay duleedka Afgooye ee gobolka Shabeellaha Hoose.

Afgooye:-Wararka naga soo gaaray Degmada Afgooye  ee gobolka Shabeellaha Hoose ayaa sheegay in maanta uu ka dhacay dagaal culus duleedka Degmada kaas oo u dhexeeya ciidamada DFKM oo kaabayaan kuwa AMISOM iyo ciidamada Al-Shabaab .Dagaalka ayaa waxaa guulo ka sheegtay DFKM .

Guddoomiyaha gobolka Shabeellaha Hoose ee DFK M  C/qaadir Maxamed Nuur ayaa sheegay in dagaalkii ay la galeen maanta Ururka Al-Shabaab ay guul ka gaareen waxaana uu ku faanay in ay qabsadeen deegaano hor leh .
Ma jiraan warar ka madax banaan sheegashada Gudoomiyaha Gobolka Shabeellaha Hoose ee ku aadan in deegaano ay ka qabsadeen Ururka al-Shabaab

Dad goobjoogayaal ah oo ayaa xaqiijiyey dagaalka maanta in uu ahaa mid culus oo la isku adeegsanayey hubka noocyadiisa kala duwan waxaana uu dagaalka saameyn ku yeeshay Degmada Afgooye iyada oo dhaawac ka mid ah askarta DFKM la keenay Degmada Afgooye.

Ilaa haatan ma jiraa cid ka tirsan Al-Shabaab oo ka hadashay Dagaalka ka dhacay maanta Duleedka Degmada Afgooye.Tan iyo markii ay bilaabeen Ururka Al-Shabaab dagaalka dhuumaaleysig ah ayaa waxaa soo gaaray Ciidamada DFKM iyo kuwa AMISOM Khasaaro kala duwan iyada oo ay ugu danbeysay dilkii  Taliyihii Ceelasha Biyaha Afrax Cali Afrax.

A/Cawale
Halgan.net