.gif)
Qarax xooggan oo ka dhacay Mandheera iyo askar Kenyaan ah oo khasaaro uu soo gaaray
June 23, 2012 - Written byMandheera:-Waxaa caawa uu qarax ka dhacay magaalada Mandheera qaraxa ayaa waxaa lala eegtay gaari ay lahaayeen ciidanka Booliska ee Degmada Mandheere waxaana ku dhaawacmay afar askari oo ka tirsan ciidamada Kenya wararka qaar ayaa sheegaya in miino loo galiyey geed ay fariisan jireen ciidanka Kenya. Qaraxan ayaa ah kii labaad ee ka dhaca magaalada Mandheera wararka goordhow laga sii daayey warbaahinta dalka Kenya ayaa sheegay in laba askari uu dhaawacooda uu yahay mid culus.
Ciidamada Amaanka ee Degmada Mandheera ayaa soo gaaray goobta uu qaraxu ka dhacay iyaga oo baaritaano iyo howlgalo ka bilaabay Degmada Mandheera ;Dadweynaha ku dhaqan Degmada Mandheera ayaa waxaa la soo gudboonaaday cabsi iyaga oo ka baqaya in ay waxyeelo u geystaan ciidamada Kenya.
Dhinaca kale koox hubeysay ayaa nin ganacsade ahaa xalay ku dilay xerada Dhagaxley oo ka tirsan xeryaha qaxootiga Dhadhaab ee dalka Kenya ninka la dilay ayaa ka mid ahaa ganacsatada yaryar ee Xerada Dhagaxley.
A/Cawale
Halgan.net
