Ciidamada DFS iyo kuwa AMISOM oo howgalo ka sameeyey Degmada Wadajir

Muqdisho:-Ciidamada DFS iyo kuwa AMISOM  ayaa xalay howgal ballaaran ka sameeyay xaafada Buulo xuubeey ee Degmada Wadajir waxaana howlgaladaas ay ku qabteen dhalinyaro gaareysa ilaa 80 kuwaas oo looga shakiyey in ay amaan xuma wadeen.

Ciidamada DFS iyo kuwa AMISOM ayaa xiray dhamaan wadooyinka laga soo galo xaafada Buulo xuubeey waxay guriguri u baareen xaafada Buulo Xuubeey ee degmada Wadajir.

Mid ka mid ah Saraakiisha ciidanka DFS ayaa warbaahinta u sheegay in ay xog ay heleen ku howlgaleen waxaana uu diiday in uu wax faahfaahin ah ka bixiyo.

Howlgalada ay xalay ka sameeyeen ciidanka DFS iyo kuwa AMISOM ayaa waxaa lagu qabtay dhalinyaro badan waxaana lagu xiray xarunta dambi baarista ee CID.

Waalidiinta dhalinyarada la qabtay qaarkood ayaa sheegay in wiilashooda aysan wax danbi ah lahayn  oo ay isku diyaarinayeen imtixaanaadka jaamacadaha Muqdisho oo dhawaan bilaaban doona.

A/Cawale

Halgan.net