Cali Xaaji Warsame oo sheegay inuu yahay Musharaxa Madaxweynaha PL.[Masawiro/Dhagayso]

Gaalkacyo:-Waxaa maanta si rasmi ah ugu dhawaaqay in xilka madaxweynanimada Puntland uu u taagan yahay maareeyihii hore ee shirkada Isgaarsiinta ee Golis Cali Xaaji Warsame ka dib markii uu maanta soo gaaray magaalada Gaalkacyo ee xarunta Gobolka Mudug. Musharax Cali Xaaji Warsame ayaa markii  uu soo gaaray duleedka magaalada Gaalakacyo  waxaa si weyn u soo dhaweeyey dadweyne fara badan , aqoon yahano, siyaasiyiin, waxgarad, iyo odayaal.

Musharax Cali Xaaji Warsame  ayaa markii uu soo gaaray gudaha magaalada Gaalkacyo waxaa loo galbiyey Hotelka Uunlaaye  halkaas oo uu kula hadlay saxaafad,  Musharax Cali Xaaji Warsame  ayaa waxaa uu aad ugu amaanay shacabka Puntlland guud ahaan gaar ahaan shacabka Gaalkacyo in ay yihiin kuwo u heelan taageerida shaqsi kasta oo wax tar u leh Puntlland uuna aad ugu amaanayo sidda wanaagsan oo ay u soo dhaweeyeen.

no images were found

Musharax Cali Xaaji Warsame ayaa la filayaa in maalmaha soo socda ka bilaabo magaalada Gaalkacy kulamo uu la yeelanyo issimada Gobolka Mudug, siyaasiyiinta, aqoon yahanada iyo bulshada qaybaheeda kale si uu ugu bandhiga siyaasada uu doonayo in uu ku hogaamiyo Puntlland haddii xilka madaxweynanimada  uu ku guulaysto.

Hoos ka dhagayso  hadalkii uu u jeediyey saxaafada  Musharax Cali Xaaji Warsame

[audio:http://k002.kiwi6.com/hotlink/mp0ycxffw0/calixaaji.mp3] ama Halkaan ka dhagayso

M_M_Deeq
Halgan.net