Ciidanka Amaanka Puntland oo galay xarumaha Shirkada Golis ee Garoowe iyo Boosaaso

Boosaaso:-Shirkadda Is-gaarsiinta Golis ee ka howlgasha deegaanada dowladda Puntland  ayaa waxa loo haystaa in ay fariin SMS ah ay Mobilka ugu direen qaar ka mid ah  dadweynaha ku dhaqan Puntland taasi oo la yaabeen qaar ka mid ah shaqaalaha shirkada Golis iyo Masuuliinta Puntland. Magaalada Garowe ee xarunta Puntland ayaa waxaa haatan ka socda kulan u dhexeeya masuuliinta shirkada Golis iyo Masuuliinta ka tirsan Puntland waxaana la wada dhowrayaa jawaabta ay ka bixiso Shirkada Golis.

Wararka qaar ayaa sheegaya in Shirkada Is-gaarsiinta Golis ay sheegtay in dirida fariimaha ay ka baxsan yihiin awoodeeda halka wararka qaar ay sheegayaan in ay tahay dicaayad iyada oo la hadal hayo in Maareeyihii hore ee Golis  Cali Xaaji Warsame uu isku sharixi doono Madaxtinimada Puntland.Ciidamada PIS-ta oo ay weheliyaan kuwa Booliska ayaa mudo saacado ah gudaha u galay xarumaha Shirkada Golis ee Garoowe iyo Boosaaso iyaga oo su,aalo weydiiyey madaxda Shirkada Golis.

Mareeyihii Guud ee Shirkada Golis ee xilka iska casilay ayaa warar hoose oo ay heshay Halgan.net waxay sheegayaan in uu isu soo sharixi doono Madaxweynenimada Puntland waloow uusan si rasmi ah saxaafada ugu sheegin  mudane Cali Xaji Warsame.

M_M Deeq
Halgan.net