Isku soo bax Roob doon ah oo ka dhacay magaalada Garoowe[Masawiro]

Garoowe:-Waxaa maanta ka dhacay Magaalada Garowe ee xarunta Gobolka Nugaal isku soo bax Roob doon ah,  oo ay ka soo qeyb galeen qaar ka mid ah shacabka ku dhaqan magaalada Garoowe waxaana isku soo baxaas ay alle ku weydiisteen in uu siiyo roob raxmad leh oo lagu diirsado .Isku soo baxaan ayaa waxaa ka qayb qaatay dadweyne magaalada Garoowe, culimo’udiinka, ardayda skuulada ,Wasiiro ka tirsan maamulka Puntlland iyo qaar ka mid ah Saraakiisha ciidanka nabadsugida Puntland.

Sh Maxamuud Xaaji Yuusuf  ayaa waxaa uu wacdi dheer u jeediyey dadweynihii ka soo qayb galay roob doonta isagoo ku waaniyey in alle  ay u soo  laabtaan kana fogaadaan dunuubta si alle uga aqbalo ducadooda. Sh Maxamuud Xaaji Yuusuf  ayaa waxaa kale oo uu ku waaniyey  dadweynihii iskugu soo baxay salaad Roob doonta in ay is cafiyaan oo wixii xumaan oo ka dhexaysaa ay iska ilaawaan si alle uga aqbalo ducadooda.Dhinaca kale Wasiir ku xigeenka Cadaalada Cabdiqaadir Yuusuf oo la hadlay dadweynaha ayaa ku waaniyey in la isku naxariisto Allana laga baryo in alle ducadooda ka aqblo isagoo ugu danbayntii ku waaniyey dadweynaha in ay la shaqeeyaan ciidanka amaanka si loo sugo nabadgelyada.

Magaalooyinka waaweyn ee degaanada Puntlland ayaa inta badan waxaa ka da’ay Roobkii dayrta waxaan dadku heleen nimcadii Alle kuwaas oo ay ku diirsaday dadka iyo duunyadaba.

no images were found

M_M_Deeq
Halgan.net