Magaaladda Kampala ee Caasimada Dalka Uganda oo si weyn looga ciiday.[Masawiro]

Kampala:-Waxaa maantay si weyn looga Ciiday Magaaladda Kampala ee Caasimada Dalka Uganda iyadda oo dadka Muslimiinta ah ku nool ay aroortii hore saakay u soo baxeen wadooyinka waa weyn ee caasimadda. Waxaa mar keliya laga maqlayey inta badan goobaha lagu tukado salaada Ciida Takbiirta salaada, iyada oo dhanka kalena dadka Soomaalida ee ku nool magaaladda Kampala ay ku tukadeen goobo badan oo ku yaal magaaladda.

Masjidka weyn ee Soomaalida kuna yaal xaafadda Soomaalidu degto ayaa waxaa isugu yimi dadweyne aad u fara badan oo ay ka muuqtay bilicada iyo quruxda maalinta qiimaha leh ee Ciida. Waxaa lagu arki karayey gudaha iyo dibadda xaafadda Soomaalida caruur,waayeel iyo dhalinyaro aad u soo labistay kuwaas oo soo xirtay dhar cusub oo aad u qurux badan.

no images were found

Salaada Ciida ayaa waxaa Qudbad qiimo badan ka soo jeediyey Sh.Cabdikariim Cabdiraxman Sh.Nuur oo ka mid ah Culimadda waaweyn ee dalka Uganda, kaasi oo ka hadlay arimo badan oo ay ka mid ahaayeen sidii ay isku cafin lahaayeen Umadda Islaamka ,Qiimaha ay leedahay Udxiyadda iyo weliba sida ay Muhiim u tahay in mar walba la ilaaliyo sharafta diinta Islaamka.

Waxaa la gudo galay salaadii ciida, iyadda oo ka dibna loo dareeray Dadka goobaha qof walba uu ka yimi si uu u guto waajibka ay leedahay maalinta weyn ee Ciidul adhaa.

Said Mohamed  Barre
Saciidbarre1@gmail.com
Kampala,Uganda