Saraakiisha Maamulka Gobalka Hiiraan oo Shirjaraa,id ku qabtay magaalada B/weyne

Hiiraan:-Saraakiisha  Maamulka Gobalka Hiiraan ee DFS ayaa waxay maanta soo bandhigeen xubno ay sheegeen in ay ka tirsan yihiiin Ururka Al-Shabaab kuwaas oo lagu soo qabtay howlgalo ay sameeyeen ciidanka DFS iyo kuwa AMISOM ee Jabuuti.

Xubnaha maanta ay soo bandhigeen ciidanka DFS ayaa gaaray 5 dhalinyaro ah kuwaas oo lagu eedeeyey in ay ka tirsan kooxada Al-Shabaab.

Taliyaha qeybta Booliska ee Gobalka Hiiraan G/sare  Isaaq Cali Cabdulle ayaa sheegay in howlgalo ay ka sameeyeen ciidanka DFS magaalada Baladweyne ee Xarunta Gobolka Hiiraan ay ku soo qabteen 5 dhalinyaro ah wuxuuna sheegay in 5 dhalinyaro ay u qaabilsanaayeen Al-Shabaab qaraxyada iyo dilalka Qorsheysan.

Taliyaha qeybta Booliska ee Gobalka HiiraanG/sare  Isaaq Cali Cabdulle ayaa warbaahinta u sheegay in dhalinyarada la qabtay ay qirteen in ay qeyb ka yihiin dilalka iyo qaraxyada ka dhaca magaalada B/weyne gaar ahaan xaafadaha Howl-wadaag iyo Xaawo Taako.

Ilaa haatan ma jirto cid ka tirsan Al-Shabaab oo ka hadlay soo bandhigida dhaliyada 5.ta ah oo ay Maamuulka B/weyne sheegeen in ay yihiin Al-Shabaab,

A/Cawale
Halgan.net