Taliyaha ciidamada booliska DFS oo gaaray magaalada Baydhabo ee xarunta gobalka Baay

Baydhabo:-Wafdi uu hoggaaminayo taliyaha ciidamada booliska DFS Jen Cabdixakiin Daahir Saacid ayaa maanta gaaray magaalada Baydhabo ee xarunta gobolka Baay waxaana halkaas si weyn ugu soo dhaweeyey Maamulka iyo Saraakiisha DFS ee ku sugan magaalada Baydhabo.

Taliyaha ciidamada booliska DFS Jen Cabdixakiin Daahir Saacid ayaa shir jaraa’iid ku qabtay Garoonka Diyaaradaha ee magaalada Baydhabo wuxuuna  ka waramay ujeedada socdaalkiisa isaga oo sheegay in uu u yimid magaalada Baydhabo in uu u kuurgalo xaalada Amniga ee magaalada wuxuuna balan qaaday in tababar iyo dib u habeyn in lagu sameyn doono booliska magaalada Baydhabo.

Taliyaha ciidamada booliska DFS Jen Cabdixakiin Daahir Saacid ayaa haatan kulan la leh saraakiisha ciidanka booliska ee gobolka Baay waxaana sidoo kale kulan goobjoog ka ah saraakiisha ciidanka AMISOM.

Saraakiisha ciidanka Booliska ee Gobalka Bay ayaa ka codsaday Taliyaha ciidamada booliska DFS Jen Cabdixakiin Daahir Saacid in DFS ay dayactirto dhamaan xarumaha ciidanka Booliska ee gobalka Baay.

Taliyaha ciidamada booliska DFS Jen Cabdixakiin Daahir Saacid ayaa booqasho ku tagay saaka saldhigga booliska ee degmada Baydhabo iyo xarrumaha kale ee ciidanka Booliska lagu tababaro oo ku yaal magaalada Baydhabo.

A/Cawale
Halgan.net