Taliyaha Ciidanka Xoogga ee DFS Jen Daahir Aadan oo gaaray Degmada Mahadaay

Mahadaay:-Taliyaha Ciidanka Xoogga DFS Jen Daahir Aadan Cilmi ayaa goordhow gaaray degmada Mahaddaay ee gobolka Shabeellaha dhexe, waxaana halkaas ku soo dhaweeyey Maamulka Degmada Mahadaay iyo saraakiil ka tirsan DFS iyo kuwa AMISOM.

Ciidamo faro badan oo galbinayey Taliyaha Ciidanka Xoogga ee DFS Jen Daahir Aadan Cilmi iyo saraakiil ka tirsan DFS ayaa gaaray Mahadaay waxayna kulamo la qaadan doonaan saraakiisha DFS ee ku sugan Mahadaay ,Jen Daahir ayaa waxaana uu khudbad kooban u jeediyey ciidanka DFS ee la wareegay Degmada Mahadaay.

Taliyaha Ciidanka Xoogga ee DFS Jen Daahir Aadan Cilmi ayaa bogaadin iyo hambalyo u diray ciidanka DFS ee la wareegay Degmada Mahadaay wuxuuna sheegay in howlgalada ka dhanka ah Al-Shabaab ay sii socon doonaan.
Ciidanka DFS iyo kuwa AMISOM ayaa 19 bishii hore kala wareegay Degmada Mahadaay ee gobolka Shabeellaha dhexe Ururka Al-Shabaab .

A/Cawale
Halgan.net