.gif)
Taliyihii hore ee ciidanka Asluubta DFS Sareeye Guuto Cabdi Maxamed Ismail oo la xiray
October 30, 2013 - Written by Editor
Ciidanka nabadsugida ee DFS ayaa maanta waxaa ay qabteen Taliyihii hore ee ciidamada Asluubta DFS Sareeye Guuto Cabdi Maxamed Ismail , Taliyaha ayaa waxaa laga soo qabtay Xaafada Madiina isagoo horay ay Maxkamad ciidanka qalabka sida ee Dowladda Federaalka Soomaaliya ay ku xukun tahay Xabsi daa’in.
Taliyihii hore ee ciidamada Asluubta DFS Sareeye Guuto Cabdi Maxamed Ismail ayaa waxaa lagu eedeeyey in uu wada shaqayn ay ka dhexeysay ururka Al-shabaab isagoo dhowr jeer oo hore xabsiga ka sii daayey xubno ka tirsan ururka Al-shabaab oo ciidanka DFS ay soo qabteen howl galo ay ka fuliyeen magaalada Muqdisho.
Taliyaha waaxda dambi baarista ee cidanka Booliska Siciid Axmed Kadiye oo la hadlay saxaafad ayaa waxaa uu u xaqiijyey in la qabtay maanta Taliyihii hore ee ciidanka Asluubta DFS Sareeye Guuto Cabdi Maxamed Ismail isago sheegay in ay jirto agab lala soo qabtay markii ay ciidanku xirayeen.
Qaar ka mid ah Saraakiisha ciidanka Dowllada Federaalka Soomaaliya ayaa waxaa lagu tuhunsan yahay in ay xiriir la leeyihiin ururka Al-shabaab iyaga oo lacago ku siidaaya xubno ka tirsan Al-Shabaab oo lagu xiro xabsiga dhexe ee DFS
A/cawaale
Halgan.net
