Wariye Maxamed Maxamuud Tima-Cadde oo lagu dhaawacay Muqdisho[Masawiro]

Muqdisho:-Wararka naga soo gaaraya magaalada Muqdishu ayaa sheegaya in saaka lagu dhaawacay degmada Wadajir ee gobalka Banaadir wariye ka tirsan TV. Universal gaar ahaan xaruntiisa Muqdisho. Wariyaha saaka lagu dhaawacay magaalada Muqdisho ayaa waxaa la yiraahdaa Maxamed Maxamuud Tima-Cadde waxaana uu ka mid yahay wariyaasha ugu firfircoon TV-Universal .

Wariye Maxamed Maxamuud Tima-Cadde ayaa dhowr mar oo hore ka badbaaday isku dayo badan oo lagu khaarajin lahaa waxaana uu dhowr mar sheegay in kooxda Al-shabaab ay u soo hanjabeen.Kooxda  dhaawacday wariyha ayaa goobta ka baxsday waxaana goobta soo gaaray ciidamo ka tirsan Dowladda Federaalka Soomaaliya.

Kooxaha Amniyaadka ururka Al-shabaab ee ka amar qaata Axmed Godane ayaa magaalada Muqdisho iyo goballada dalka ku laayey waxgarad tiro badan ,saraakiil,wariyaal,iyo culuma,udiin .Wariye Maxamed Maxamuud Tima-Cadde ayaa waxaa dhaawaciisa la geeyey Isbitaalka Madiina oo haatan lagu dabiibayo xaaladiisa Caafimaad .

no images were found

A/Cawale
Halgan.net