.gif)
Wariye Maxamed Maxamuud Tima-Cadde oo xaaladiisa caafimaad ay ka soo raynayso
October 23, 2013 - Written by Editor
Muqdisho:-Wararka ka imaanaya magaalada Muqdisho gaar ahaan Isbitaalka Madiino ayaa sheegay in xaalada caafimaad ee wariye Maxamed Maxamuud Tima-cadde ay ka soo raynayso. Wariye Maxamed Maxamuud Tima- cadde oo ahaa wariye u shaqay nayey Tv-Universal ayaa shalay lagu weeraray degmada Waaberi xili uu gaarigii uu saarnaa ay kooxda weerartay ay ku dhufteen gaari ka dibna ay ku dhufteen ilaa 6 xabadood waxaana ay uga dhacday rasaasta Qoorta, Caloosha iyo Garbaha.
Madaxa caafimaadka ee Isbitaal Madiina Duniyo Maxamed Cali oo la hadashay saxaafada ayaa sheegtay in xaalada Wariye Tima- Cadde ay ka soo raynayso marka loo eego dhaawacyada gaaray. Madaxda Dowladda Federaalka Soomaaliya ayaa waxaa ay sheegtay in ay talaabo ka qaadi doonto cidii ay ku cadaato in ay ka dan beeyeen falka guracan ee lagu dilo ama lagu dhaawaco ee lala beegsado wariyaasha ka howl gala idaacadda magaalada Muqdisho.
A/cawaale
Halgan.net
