Ciidanka S/land oo duulaan ku qabsaday degmada Taleex ee Gobolka Sool

Taleex:-Wararka naga soo gaaraya degmada Taleex ee Gobolka Sool ayaa sheegay ciidamo ka socda Somaliland ay weerar ku soo qaadeen magaalada Taleex xili  magaalada uu ka socday Shirka Khaatumo 3 oo beelaha dega gobolka Sool , Sanaag iyo Cayn ay uga tashanayeen aayahooda. Ciidamada S/land ee qabsaday degmada Taleex ayaa la sheegayaa in ay ka yimaadeen  degmada Holhol iyo Laascaanood  iyo degaano kale oo ay ku sugnaayeen ciidanka S/land.

Dhamaan siyaasiyintii iyo  Issimadii Khaatumo ayaa isaga baxay gudaha magaalada waxaan la sheegayaa in qaar ka mid ah ciidanka S/land soo galeen magaalada  Taleex si nabadgelyo walow wararka qaar ay sheegayaan in ciidankodu ay fariisamo ka samaysteen duleedka magaalada

Wararka ka imaanaya degmada Taleex ayaa sheegay in jawiga magaaladu uu yahay mid kacsan waxaan masuuliyiintii waday Shirka Khaatumo 3 la sheegayaa in ay u baxeen dhinac tuulada Xallin oo 40 Km u jirta  degmada Taleex. Ma  jirto ilaa hadda wax war ah oo ka soo baxay masuuliyintii ciidanka maamulka Kaatumo ee uu shirka uga socday degmada Taleex ee gobolka Sool.

Warka oo faahaahsan dib ayaan idnkaga soo gudbin doonaa insha Allaahu.

M_M_Deeq
Halgan.net