Ra’iisulwasaaraha DFS oo dib ugu soo laabtay magaalada Muqdisho

Muqdisho:-Ra’iisul wasaaraha DFS Cabdiweli Sheekh Axmed ayaa maanta dib ugu soo laabtay magaalada Muqdisho ka dib markii uu ka soo qeyb galay shir ay isigu yimaadeen madaxada Urur goboleedka bariga Afrika ee IGAD kaas oo ka dhacay magaalada Addis Ababa ee xarunta dalka Itoobiya .

Raisulwasaaraha DFS Cabdiweli Sheekh Axmed ayaa waxaa si diiran ugu soo dhaweeyey garoonka Aden Cadde xubno ka tirsan labada gole ee dowladda Federaalka Soomaaliya .Raisulwasaare Cabdi weli oo la hadlay warbaahinta ayaa sheegay in shirka laga soo saaray qodobbo muhiim u ah xal u raadinta mushkilada dalka Koonfurta Sudan.

Cabdiweli Sheekh Axmed Raisulwasaaraha DFS ayaa sidoo kale sheegay in uu kulan la qaatay dhigiisa dalka Itoobiya Hailemariam Desalagn, ayna ka wada hadleen sidii labada dal ay isaga kaashan lahaayeen amaanka ,la dagaalanka Al-Shabaab iyo tababarka ciidanka DFS.

A/Cawale
Halgan.net